आगामी कार्तिक दोस्रो साता सुन्दर पर्यटकीय नगर पोखरामा आयोजना हुन गइरहेको पोखरा प्रिमियर लिग (पीपीएल) टी२० क्रिकेट प्रतियोगिताको खेल तालिका सार्वजनिक गरिएको छ ।
प्रतियोगिताको पहिलो खेलमा विराटनगर टाइटन्सले पोखरा पल्टनको सामना गर्नेछ । विराटनगर टाइटन्स, चितवन राइनोज, पोखरा पल्टन, बुटवल ब्लास्टर, काठमाडौं रोयल्स र एक्स्पर्ट धनगढी ब्लुज गरी ६ टोलीको सहभागिता रहेको सो प्रतियोगिता पोखरा रंगशालास्थित क्रिकेट मैदानमा हुनेछ ।