युवा नेपाली लेग स्पिनर सन्दिप लामिछाने अब अष्ट्रेलियन घरेलु प्रतियोगितामा बीग ब्यासमा खेल्ने भएका छन् । यसअघि भारतको आइपीएल, क्यारेबियन को सीपीएल तथा अफघानिस्तानको एपीएल लगायतका लिगमा सहभागिता जनाइसकेका सन्दिप बीग ब्यास खेल्ने पहिलो नेपाली क्रिकेटर बनेका छन् ।
यही डिसेम्बर १९ बाट शुरु हुने सो प्रतियोगिता खेल्ने पहिलो एसोसिएट खेलाडी हुने छन् । प्रतियोगितामा सन्दिप मेलबर्न स्टारको प्रतिनिधित्व गर्नेछन् । सन्दिपसँगै मेलबर्नको टोलीमा ग्लेन म्याक्स्वेल, एडम जाम्पा, मार्कस स्टोइनिस लगायतका खेलाडी आबद्ध रहेका छन् ।